Tema do të mbetet në qendër të vëmendjes deri në ndeshjen e kthimit, ku do të mësohet finalistja e Coppa Italia: barazimi 0-0 i kësaj mbrëmjeje është fryt i meritave taktike të Como-s apo i vështirësive të Inter në fazën e ndërtimit? E vërteta anon më shumë nga ana e Fabregas. Steriliteti ofensiv zikaltër – në ndeshjen e tretë të vitit pa shënuar – është pasojë e drejtpërdrejtë e planit të lojës së Como-s, i aftë të krijojë të paktën tre raste për gol pa gjetur rrugën e rrjetës (më flagranti ai i Valle) dhe të shqetësojë manovrën e Inter-it. Chivu kthehet në Appiano me një rezultat të favorshëm në prag të kthimit në San Siro më 22 prill, ndërsa Fabregas kafshon duart. Tani do t’i duhet të synojë mrekullinë.
Tre rastet më të mira, dy në pjesën e parë dhe një në të dytën: një e majtë e Paz e neutralizuar nga Martinez (sërish titullar në kupë), e majta jashtë e Vojvoda pas një driblimi të bukur brenda zonës – dobët Bastoni në markim, i fishkëllyer në çdo prekje të topit – dhe një e djathtë e Valle nga dy hapa që përfundoi mbi tabelat reklamuese. Rasti më i rëndësishëm i ndeshjes (i shpërqendruar Bisseck këtu). Spanjolli shpërdoroi një kros të ulët të Smolcic duke e goditur topin me këmbën e dobët. Në protokoll edhe një ndërhyrje e bukur shpëtuese e Carlos Augusto ndaj Vojvoda në 45 minutat e para. Në pjesën e dytë ndeshja u përgjum. Como tregoi kujdes duke u mbështetur te kundërsulmi dhe shpërthimet e Diao, i futur 20 minuta nga fundi. Për të, pak ose asgjë.
Lexo më tej: Milan thyen Cremonese, Leao me mendje te Inter: “Derbi, çështje jete a vdekje”
Ndoshta për herë të parë këtë sezon makina e golave të Inter – 64 rrjeta në Serie A, 89 në sezon – nuk ndërtoi raste të rëndësishme. Butez nuk i ndoti kurrë dorezat. Para kësaj mbrëmjeje zikaltërit kishin mbetur pa shënuar vetëm dy herë, kundër Milan (kampionat) dhe Liverpool (Champions). Megjithatë, nëse Inter nuk bëri Interin, merita ishte e Como-s dhe zgjidhjeve të Fabregas, i aftë të mbërthejë një manovër të konsoliduar me ndryshime të vogla. Mes lajmeve të mira mbeten gjysmë ore e Dumfries, i rikthyer tashmë kundër Bodo, dhe ora e Calhanoglu, i rikthyer nga minuta e parë. Afrimi drejt derbit është i qetë.
