Ka nisur seanca e Kuvendit të Kosovës për çështjen e Presidentit. Sipas kushtetutës, duhet dy kandidatë, ndaj Lëvizja Vetëvendosje i ka mbledhur nënshkrimet për dy emra.
Kështu, pas Glauk Konjufcës, Vetëvendosje ka siguruar nënshkrimet edhe për deputeten Fatmire Mullhaxha-Kollçaku. Që raundi i parë të quhet i rregullt duhet të ketë dy kandidatë dhe në sallë të jenë të pranishëm 80 deputetë.
Për zgjedhën e Presidentit janë tre raunde. Në dy raundet e para duhen 80 vota ndërsa në raundin e fundit duhen 61 vota, por sërish 80 deputetë duhet të jenë në sallë.
Afati i fundit për zgjedhjen e Presidentit është sonte në ora 24:00. Nëse zhvillohet raundi i parë mund të ketë një hapësirë për ta zgjatur afatin edhe me 60 ditë, por kjo do të shihet. /LAPSI.al
