Zgjerimi i Bashkimi Evropian është rikthyer në krye të agjendës politike në Bruksel. Shqipëria ndodhet në një situatë kritike për të marrë një Raport pozitiv të Vlerësimit të Përkohshëm të Standardeve (IBAR) nga Komisioni Evropian. Gjermania po i trajton rastet e fundit të korrupsionit të profilit të lartë në Tiranë më rreptë se shumë shtete të tjera anëtare të BE-së. Berlini dëshiron që ministrat e dyshuar për abuzim me pushtetin jo vetëm të shkarkohen nga qeveria, por edhe të hetohen siç duhet nga prokurorët specialë. Raporti IBAR është kushti formal për të filluar mbylljen e kapitujve të negociatave. Nëse Shqipëria kalon këtë fazë, ajo mund të avancojë në negociata dhe të përfshihet në një paketë të mundshme zgjerimi së bashku me Malin e Zi dhe Islandën.
Diskutimet po fokusohen në mundësinë e anëtarësimit të vendeve të reja në vitet e ardhshme, ndërsa disa propozime kanë synuar përshpejtimin e procesit për Ukrainën. Megjithatë, ideja për ta futur Ukrainën fillimisht në BE dhe për të përmbushur kriteret më vonë është kundërshtuar nga disa shtete anëtare.
