Ligji i Cantona: “T’i nisim presidentët të parët në front. Do kishte më pak luftëra”

Eric Cantona nuk i ka mbajtur kurrë fjalët për vete. Qoftë kur bëhet fjalë për futbollin apo për tema të tjera nuk bën dallim për ish-kampionin francez të Manchester United. Një shembull? Deklaratat e fundit mbi temën shumë të nxehtë të luftës në Iran, e lindur pas sulmeve të SHBA dhe Izraelit. 59-vjeçari ka krijuar një ide shumë të qartë për mënyrën se si mund të pengohet përhapja e situatave të tilla. Pengesa mund të ishte një ligj ndërkombëtar i drejtuar mbi të gjitha ndaj presidentëve si vetë Trump.

Shpërthimi i Cantona, ka një ide për të ndalur luftërat

I ftuar në Canal+ për të prezantuar albumin e tij të fundit “Perfect imperfection”, Cantona që merret edhe me muzikë dhe aktrim, u ndal te situata delikate ndërkombëtare. Ish-ylli i United imagjinoi krijimin e një ligji të veçantë që mund të frenojë vrullin e njerëzve më të fuqishëm në botë, pra një “ligj ndërkombëtar që përcakton se nëse një president vendos të bëjë luftë, duhet të jetë i pari që shkon në front, në vend që të dërgojë djem 18-vjeçarë”. Efektet do të ishin të menjëhershme: “Dhe në atë pikë, mendoj se do të kishte shumë më pak luftëra”.

 

View this post on Instagram

 

A post shared by Clique (@cliquetv)

Sulmi ndaj Donald Trump

I tiji është një paralajmërim që duket i drejtuar kryesisht ndaj Donald Trump. Edhe pse nuk e përmend kurrë presidentin amerikan me emër, Cantona është i qartë për mënyrën e tij të veprimit: “Qëndrojnë të gjithë në zyra të gjata 25 metra dhe më pas dërgojnë të rinj në vdekje. Kur je shtypësi, dërgon djem 18-vjeçarë nga shtëpia jote, por shpesh nga ana tjetër nuk ka djem 18-vjeçarë. Ka fëmijë 3 apo 11 vjeç. Të pafajshëm, civilë. Ose ushtarë. Por mendoj se do të kishte më pak luftëra nëse do të vepronim kështu. Sepse njerëz të guximshëm nuk ka shumë”. Një gjë është e sigurt: pavarësisht se si do të shkojnë gjërat, Eric Cantona do të bëjë gjithmonë gjithçka për fëmijët e tij dhe për të mos i dërguar në front në të ardhmen: “Asnjë nga fëmijët e mi nuk do të shkojë në luftë. Zero. Për të bërë çfarë? Për kë? Për çfarë arsye? Ushtari i Panjohur shërben vetëm për të inkurajuar të tjerët të shkojnë”. Edhe një herë pra fjalë të forta nga Cantona që edhe në të kaluarën kishte bërë diskutime duke kërkuar përjashtimin e Izraelit nga të gjitha kompeticionet: “E di që futbolli ndërkombëtar është më shumë se një sport, është kulturor, politik. Është soft power. Ka ardhur koha t’i pezullohet Izraelit ky privilegj”. Eric nuk kursen askënd me deklaratat e tij.