Nicole Kidman ka zbuluar se në tapetin e kuq të Met Gala 2026 më 4 maj do të shoqërohet nga vajza e saj e madhe, Sunday Rose Kidman Urban.
Gjatë një interviste në podcastin Las Culturistas më 11 mars, aktori e filmit Moulin Rouge! tha se është shumë e lumtur që këtë vit është sërish bashkë-kryesuese e eventit prestigjioz.
“Besoj se është hera e tretë që jam bashkë-kryesuese, por ta bëj këtë tani? Jam shumë, shumë e lumtur dhe vajza ime Sunday do të vijë me mua,” u shpreh ajo.
Kidman ka dy vajza me ish-bashkëshortin e saj, këngëtarin e muzikës country Keith Urban: Sunday, 17 vjeç dhe Faith, 15 vjeç.
Ajo është gjithashtu nënë e Isabella Jane Cruise dhe Connor Cruise, të cilët i ka nga martesa e saj e mëparshme me aktorin Tom Cruise.
Kidman tregoi se vajza e saj ka një pasion të madh për modën.
“Sunday e adhuron modën. Madje sapo ka ecur në pasarelë për Dior. Tani po kthehet nga Parisi,” tha aktorja.
Megjithatë, ajo theksoi se karriera e vajzës është plotësisht e pavarur nga e saj.
“Është një botë e tëra e saj dhe është e jashtëzakonshme,” shtoi Kidman.
Sunday bëri debutimin e saj në pasarelë në tetor 2024 gjatë Javës së Modës në Paris në shfaqjen e koleksionit pranverë/verë të Miu Miu.
Më pas ajo u bë pjesë edhe e fushatës së markës dhe në vitin 2025 realizoi kopertinën e saj të parë për revistën Nylon.
