Konferenca e Kryetarëve është mbledhur në parlament para zhvillimit të seancës plenare, por opozita nuk është e pranishme.
Në konferencë u miratua futja e projektrezolutës për shpalljen e Iranit “shtet financues të terrorizmit” në rendin e ditës.
Në përmbajtjen e pikave të draftit, dënohen sulmet kibernetike të atribuara Iranit ndaj institucioneve shqiptare, përfshirë edhe sulmin më të fundit ndaj faqes së Kuvendit. Ndërkohë, Kreu i grupit parlamentar të Partisë Demokratike, Gazment Bardhi, e ka cilësuar mbledhjen si një proces jashtë standardeve parlamentare.
Sipas tij, bëhet fjalë për një seancë të thirrur pa një rend dite të miratuar zyrtarisht dhe në kundërshtim me procedurat e parashikuara në rregullore, duke e konsideruar atë si një nismë që lidhet me interesa politike të drejtuesve politik të Partisë Socialiste.
