Aktori dhe komediani Kevin Hart ka reaguar me humor dhe irritim ndaj statujës së tij më të fundit prej dylli, e vendosur në Hollywood Wax Museum.
Në një video të publikuar në Instagram, Hart nuk i kurseu komentet ironike për figurën që supozohet ta përfaqësojë, duke shkruar: “Çfarë kam bërë unë që këta njerëz më sulmojnë? Kush është ky?! Kjo duhet të ndalet… kërkoj një version të ri!”
[embed]https://www.instagram.com/reel/DV4_bsNkUEH/?hl=en[/embed]
Statuja e paraqet aktorin me veshje të zeza dhe një zinxhir të gjatë ari, por shumë fansa theksuan se ngjashmëria me Hart është e dobët, duke bërë që reagimet të shpërthejnë në rrjet.
Postimi u bë viral, duke grumbulluar miliona shikime dhe mijëra komente. Disa përdorues bënë shaka duke thënë se figura i ngjan më shumë artistit The Weeknd sesa vetë Hart.
Megjithatë, jo të gjithë ishin kritikë. Aktori dhe miku i tij Dwayne Johnson e mbrojti statujën me humor, duke komentuar: “Është perfekte, mos ndryshoni asgjë.”
Ky nuk është rasti i parë që një statujë dylli shkakton debat. Edhe figura e fundit e Zendaya në muzeun Madame Tussauds New York mori reagime të përziera nga publiku, duke treguar se krijimi i një ngjashmërie perfekte mbetet sfidë për këto muze.
