Jay-Z ka konfirmuar rikthimin e tij në skenë, duke shënuar dy përvjetorë të rëndësishëm në karrierën e tij muzikore.
Kompania e tij, Roc Nation, njoftoi se artisti do të mbajë dy koncerte në qytetin e tij të lindjes, në Yankee Stadium, gjatë verës.
Më 10 korrik, ai do të festojë 30-vjetorin e albumit të tij debutues “Reasonable Doubt”, ndërsa një ditë më pas, më 11 korrik, do të shënojë 25-vjetorin e albumit “The Blueprint”. Detajet për biletat dhe organizimin e koncerteve ende nuk janë bërë publike, ndërsa organizatorët kanë paralajmëruar surpriza për fansat.
I publikuar në vitin 1996, “Reasonable Doubt” konsiderohet një nga albumet më të mira në historinë e hip-hop-it, me bashkëpunime me emra të mëdhenj si Mary J. Blige dhe The Notorious B.I.G..
Ndërkohë, “The Blueprint”, i publikuar në vitin 2001, është po ashtu një nga projektet më të vlerësuara të reperit dhe është përfshirë në Regjistrin Kombëtar të Bibliotekës së Kongresit në SHBA.
Gjatë karrierës së tij, Jay-Z ka fituar 25 çmime Grammy dhe ka shënuar disa rekorde historike, duke u bërë një nga figurat më me ndikim në industrinë e muzikës.
Para këtyre koncerteve, artisti pritet të performojë edhe në festivalin Roots Picnic në Philadelphia në fund të majit, ku do të ngjitet në skenë së bashku me grupin The Roots.
