Qeveria ka vendosur të ri-ngrejë Bordin e Transparencës për karburantet. Lajmin e konfirmoi ministrja e Ekonomisë Delina Ibrahimaj në një intervistë për emisionin “Top Story” në TCH.
Edhe pse mohoi të kishte pasur spekulim me çmimet Ibrahimaj tha se pas një takimi të gjatë që kishin bërë në kryeministri edhe me përfaqësues të ministrisë së Financave dhe asaj të Infrastrukturës është vendosur që të ringrihet Bordi i Transparencës.
“Do të marrim masat ligjore për ta ringritur pasi ai ngrihet me anë të një vendimi të Këshillit të Ministrave” tha ministrja.
Ajo tregoi se është vendosur që të ulet e çmimi i akcizës duke e reduktuar në nivelin 20%. Sipas Ibrahimajt aktualisht akciza për karburantet është 39.6 lekë për litër dhe do të zbresë në 31.68 lekë për litër.
Kjo do të thotë se nafta dhe benzina do të duhet të ulen menjëherë me 8 lekë.
Te enjten nafta arriti çmimin 214 lekë për litër duke pësuar gati 20 lekë rritje për litër brenda 20 orëve. ©LAPSI.al
