Lapsi Video

Aplikacioni

Android iOS
Flash

Tuchel do ta marrë në Botëror me Anglinë Jason Steele të Brighton: jo për të luajtur

Lapsi.al 22 March 2026
Tuchel do ta marrë në Botëror me Anglinë Jason Steele
Në listën e të grumbulluarve të Thomas Tuchel për dy miqësoret që Anglia do të luajë kundër Uruguait dhe Japonisë më 27 dhe 31 mars (i pranishëm lojtari i Milanit Tomori, që rikthehet në kombëtare pas më shumë se dy vitesh mungesë) janë plot pesë portierë: përveç titullarit Jordan Pickford (Everton), janë alternativat e para Dean Henderson (Crystal Palace) dhe Aaron Ramsdale (Newcastle), por edhe James Trafford i Manchester City dhe Jason Steele i Brighton. Ky i fundit në klubin e tij është zëvendësues i titullarit Bart Verbruggen: asnjë paraqitje në këtë sezon të Premier League për 35-vjeçarin Steele, të cilit i është dhënë hapësirë në dy kupat kombëtare (5 paraqitje, përpara se Brighton të eliminohej nga të dyja). Jason, që nga viti 2006 deri në 2013 ka luajtur në të gjitha përfaqësueset e moshave të Anglisë deri te U-21, është në grumbullimin e parë me kombëtaren e madhe.

Pse Jason Steele do të shkojë në Botëror me Anglinë pa asnjë mundësi për të luajtur

Do të jetë pikërisht si te Brighton, pra Steele nuk do të luajë asnjë minutë. Por nuk është për të luajtur që Tuchel e ka grumbulluar, por për të njëjtën arsye për të cilën me shumë gjasa do ta marrë edhe në Botërorin që do të zhvillohet verën e ardhshme në Shtetet e Bashkuara, Meksikë dhe Kanada. Trajneri i Anglisë synon të përfshijë një portier të katërt në grupin e Tre Luanëve për Kupën e Botës, me qëllimin që ai të bëjë “portierin e stërvitjes” për tre të tjerët. Praktika për të marrë në kombëtare një portier të katërt vetëm për stërvitje është nisur nga paraardhësi i Tuchel në pankinën e Anglisë, Gareth Southgate. Trajneri gjerman e shpjegoi kështu zgjedhjen e tij: “Tani është me ne në grumbullimin e marsit. Anglia ka zakon të marrë katër portierë në turne, gjë që është logjike. Kemi identifikuar te Jason një kandidat shumë të mirë për këtë rol. Dhe prova do të zhvillohet gjatë grumbullimit të marsit”. Natyrisht Steele nuk do të përfshihet në listën e lojtarëve që do t’i dorëzohet FIFA-s për Botërorin, por do të jetë pjesë e stafit. Pra, karriera e tij do të përfundojë pa asnjë paraqitje me kombëtaren e madhe të Anglisë.

Të këshilluara

ide

Si po e çon Rama vendin drejt përplasjes civile

Insistimi në dhunë, në armatosje të civilëve, në pagesa të policëve si të ishin mercenarë, vetëm paqe nuk pjell. Frika e Edi Ramës se ku do të përfundojë kur të mos jetë kryeministër nuk ka pse të bëhet makthi i Shqipërisë

15:20 Armand Shkullaku

Pse guri dhe molotovi u bënë të pashmangshëm

Kjo revoltë rinore ka pasur një meritë të madhe. Ajo i bëri të njohur publikut të gjërë anën më kriminale të këtij regjimi që ishte deri më tani e konservuar në skutat më të fshehta. Nëse revolucioni ekstremisht paqësor i flamingove na tregoi se kjo qeverisje nuk ishte më popullore, epilogu i tij radikal, me gurë dhe molotov po shërben për të nxjerrë në dritë të diellit se autokrati është në gjendje të përdorë çdo mjet për të qëndruar në pushte

11:37 Andi Bushati

MOTI TIRANA

9°c

KËMBIMI EURO

91.10

aktuale

Ndiqe Lapsin edhe në

Me interes nga publiku

Me sytë katër

SPORT

Të tjerë artikuj

PAPARAZZI