Britney Spears është parë për herë të parë në publik që nga arrestimi i saj për drejtim mjeti nën ndikimin e alkoolit (DUI) në fillim të këtij muaji, ndërsa çështja e saj po shqyrtohet aktualisht nga prokurorët e qarkut.
Një zëdhënës i Zyrës së Prokurorit të Qarkut Ventura deklaroi për mediat se çështja është dorëzuar dhe ndodhet në proces shqyrtimi.
“Ky proces mund të përfshijë edhe mbledhje të provave dhe informacioneve shtesë. Vendimi përfundimtar do të merret përpara seancës së planifikuar gjyqësore më 4 maj 2026,” thuhet në deklaratë.
Këngëtarja 44-vjeçare u pa në Malibu të dielën, sipas një fotografie të publikuar nga një faqe fansash në rrjetet sociale.
Në imazh, ajo shfaqet e veshur me një pallto të gjatë kafe, syze dielli dhe me flokët biondë të lëshuara, ndërsa priste në radhë për të porositur në një Starbucks. Në dorë mbante telefonin dhe një çantë të madhe portokalli.
[embed]https://www.instagram.com/p/DWPeiqqAQm-/?igsh=cnU4OWYza240Y2Fw[/embed]
Spears u arrestua më 4 mars nga Patrulla e Autostradave të Kalifornisë në Ventura County për drejtim mjeti në gjendje të dehur dhe u lirua mëngjesin pasardhës.
Arrestimi erdhi disa muaj pasi ajo ishte parë duke drejtuar në mënyrë të çrregullt pas një nate jashtë me miq.
Menaxheri i saj, Cade Hudson, e cilësoi incidentin si “të pafalshëm”, duke shtuar se këngëtarja do të përballet me pasojat dhe do të ndërmarrë hapat e duhur për të respektuar ligjin.
Ai theksoi gjithashtu se kjo mund të jetë një pikë kthese për të sjellë ndryshime të nevojshme në jetën e saj.
Sipas burimeve pranë artistes, Spears është e tronditur dhe e penduar për atë që ka ndodhur. Ajo po mbështetet nga djemtë e saj, Sean Preston (20 vjeç) dhe Jayden James (19 vjeç), të cilët ndodhen pranë saj në këtë periudhë të vështirë.
“Britney e kupton seriozitetin e situatës dhe ndikimin që mund të ketë jo vetëm në jetën e saj, por edhe te familja, veçanërisht te djemtë e saj,” tha një burim.
