Fermerë të rrethit të Krujës kanë ngritur shqetësimet se çmimet e karburantit janë ngritur akoma pa filluar lufta në Iran madje ngritje të ndjeshme kanë patur dhe imputet bujqësore, të cilat janë ngritur me 30–40 për qind.
Kjo ndikon drejtpërdrejtë te fermerët të cilët shprehen se kostoja vetëm për plugimin e një hektari është ngritur me 5000 lekë të reja. Kjo ka bërë që kostoja të rritet ndjeshëm dhe prodhimi të mos e justifikojë koston.
“Sivjet jemi të detyruar të marrim lekë borxh nëpër miq e të afërm e të punojmë tokat, madje disa prej nesh po shesin agregatet se s’kanë lekë për naftë…Skema e subvencioneve nuk është efikase pasi sasia e naftës që na jep shteti nuk mjafton as për një proces pune jo me për të përballuar të gjithë proceset…Kërkojmë nga shteti të vejë dorë e të ndaloje abuzimin që po bëhet qoftë me naftën e qoftë me imputet pasi ato nuk kanë hyre sot në Shqipëri po kane disa muaj e s’ka si ngrihet çmimi në këtë mënyrë për një mall që ka kohë që është magazinuar”, ka thënë një prej fermerëve.
