Kombëtarja shqiptare hyn në dhomat e zhveshjes me avantazhin 1-0 ndaj Polonisë në Varshavë. Kuqezinjtë kanë hedhur një hap të rëndësishëm në këtë përballje të vlefshme për gjysmëfinalen play-off-et të kualifikueseve të Botërorit 2026.
Vendimtar për ekipin e Shqipëria ishte Arbër Hoxha, i cili në minutën e 44-të shfrytëzoi një gabim në prapavijën polake. Një top i gjatë vuri në vështirësi mbrojtësin kundërshtar, ndërsa Hoxha përfitoi maksimalisht, shmangu portierin dhe dërgoi topin në rrjetë.
Goli i shënuar pak para fundit të pjesës së parë i jep epërsi të merituar kuqezinjve, të cilët po zhvillojnë një paraqitje solide në transfertë.
Pas 45 minutave të para në Varshavë, Shqipëria kryeson 1-0 ndaj Polonisë, duke mbajtur gjallë shpresat për një rezultat pozitiv në këtë sfidë vendimtare drejt Botërorit 2026.
[video width="636" height="360" mp4="https://cdnimpuls.com/lapsi.al/wp-content/uploads/2026/03/69c59781625df.mp4"][/video]
