Kur gjithçka duhet të shkojë keq, nuk ka ç’të bësh tjetër veçse të dëshpërohesh. Ukraina shpresonte të rikthehej në Botëror, por u mposht nga Suedia në gjysmëfinalen e playoff-it. Tani skuadra e Rebrov duhet të luajë në Valencia me Shqipërinë, gjithashtu e mundur në gjysmëfinale të playoff-it nga Polonia. Si të mos mjaftonte kjo, në hotelin e tyre në Benidorm disa lojtarë dhe një anëtar i stafit teknik u grabitën. Kombëtarja ukrainase ndodhej në Spanjë, ku në fushë neutrale u përball me skuadrën suedeze, e cila tani do të luajë finalen me Poloninë.
Vjedhje ndaj kombëtares së Ukrainës para playoff-it me Suedinë
Në fushë ishte një disfatë e vërtetë: Gyokeres realizoi një tripletë dhe i dha fitoren skuadrës së tij ndaj Ukrainës, e cila vetëm në fund arriti të zbusë disi rezultatin. Parapërgatitja për këtë ndeshje ishte e vështirë për Ukrainën, e cila pësoi një vjedhje në hotelin e saj në Benidorm, destinacion turistik i zgjedhur për të përgatitur ndeshjen e luajtur në Valencia. Sipas një gazetari ukrainas, pas kthimit nga një stërvitje, lojtarët dhe stafi zbuluan se hajdutët kishin hyrë në hotel, duke vjedhur ora dhe objekte luksi me vlerë mijëra euro, si dhe para cash, përfshirë edhe ato të një bashkëpunëtori të trajnerit Rebrov.
Hajdutët morën ora, objekte luksi dhe para
Gazetari Igor Burbas bëri të ditur se kombëtarja e Ukrainës ishte grabitur: “Të panjohur janë futur në dhoma dhe kanë vjedhur lojtarët dhe stafin teknik, duke marrë para, objekte luksi dhe ora me vlerë mijëra euro”.
Burbas përmendi edhe emra mes të grabiturve, përfshirë Alberto Bosch, asistent i përzgjedhësit Rebrov. Gjithashtu, duket se mes të vjedhurve është edhe portieri Trubin, i cili me Benficën ka shënuar një gol në Champions League.
