Klevis Qose është shkarkuar nga posti i Drejtorit të Përgjithshëm të Burgjeve, që mbante prej më shumë se dy vitesh. Një burim i tha Lapsi.al se vendimi është marrë në mbledhjen e ditës së sotme të qeverisë.
Në vend të tij është emëruar Adriatik Kupi, i cili më parë ka qenë i komanduar në krye të IKMT-së.
Më herët Kupi ka qenë administrator i Njësisë së Petrelës në Tiranë dhe më vonë drejtor i Operatorit të Sistemit të Shpërndarjes.
Kujtojmë që na harkun kohor të pak muajve, Drejtoria e Përgjithshme e Burgjeve u përfshi në dy ngjarje të rënda. E para ishte arratisja e Altin Ndocit nga burgu i Durrësit.
E dyta ishte “shtëpia e barit” e zbuluar në Peqin, në një magazinë në pronësi të drejtorit të burgut të Rrogozhinës.
Por përtej këtyre, korrupsioni në burgje, hyrja e eskortave për takime speciale dhe abuzime të tjera të panumërta, janë probleme prej një kohe të gjatë.
Cdo drejtues ka bërë pak ose aspak për të ndërtuar një sistem burgjesh të sigurt e me standardet më të larta. ©LAPSI.al
