Trajneri i Turqisë rrëzohet dhe godet kokën gjatë ndeshjes: transportohet në spital

Frikë në Turqi për trajnerin e U21, Egemen Korkmaz. Gjatë ndeshjes kualifikuese për Kampionatin Europian kundër Kroacisë, të luajtur jashtë fushe, trajneri i kombëtares turke u rrëzua në fushë për shkak të një problemi shëndetësor. Një ambulancë hyri menjëherë në fushë dhe personeli i ndihmës së shpejtë i dha menjëherë ndihmë Egemen Korkmazit. Në minutën e 35-të të ndeshjes, Egemen Korkmaz Demir humbi ekuilibrin ndërsa protestonte për kartonin e kuq të treguar ndaj Ege Tıknaz, goditi kokën në tokë dhe nuk arriti të ngrihej. Pas ndërhyrjes së paramedikëve dhe personelit të ambulancës, Egemen Korkmaz u transportua në spital për trajtimin e nevojshëm, por fatmirësisht ishte i vetëdijshëm. Në këtë moment të gjitha klubet turke po shprehin afërsinë e tyre me trajnerin që shqetësoi të gjithë. Federata Turke e Futbollit publikoi menjëherë një deklaratë: “Trajneri ynë i Kombëtares U21, Egemen Korkmaz, humbi ndjenjat pasi rrëshqiti dhe goditi kokën në tokë në minutën e 35-të të ndeshjes kualifikuese për Kampionatin Europian U21 të UEFA-s kundër Kroacisë, e luajtur sot në Opus Arena”.

SON DAKİKA | Ümit Milli Takımımızın Teknik Direktörü Egemen Korkmaz, Demir Ege Tıknaz'ın kırmızı kart gördüğü pozisyon sonrasında yere yığıldı. Teknik direktörümüzün ilk tedavisi saha kenarında yapılıyor. pic.twitter.com/rF5fqecv3M

— Tivibu Spor (@tivibuspor) March 31, 2026

Ja çfarë ndodhi

Nga pamjet e disa videove që qarkullojnë në rrjet shihet qartë momenti kur një lojtar i ri turk përjashtohet për karton të dytë të verdhë. Trajneri i U21 hyn pothuajse në fushë i tërbuar, duke hequr edhe xhaketën. Kamerat regjistrojnë gjithçka deri në momentin kur Korkmaz del nga kuadri. Që nga ai moment të gjithë vrapojnë drejt tij. Problemi duket se ka qenë në fakt një humbje ndjenjash pas një rënieje – me shumë gjasa duke rrëshqitur në fushë – me kokën në tokë.

Ümit Millî Takımımızın Teknik Direktörü Egemen Korkmaz, bugün Osijek şehrindeki Opus Arena'da Hırvatistan ile oynanan 2027 UEFA Avrupa U21 Şampiyonası grup eleme maçının 35. dakikasında ayağının kayması sonucu başını yere vurarak bilinç kaybı yaşamıştır. Başında düşmeye bağlı… pic.twitter.com/YxbRS0miIA

— TFF (@TFF_Org) March 31, 2026

Lojtarët dhe stafi mjekësor u hodhën menjëherë drejt trajnerit të tyre. Disa ishin me duar në kokë, të habitur nga ajo që po ndodhte. Megjithatë trajneri duket se ka qenë gjithmonë i vetëdijshëm deri në transportimin në spital. Në rrjetet sociale të gjitha klubet turke publikuan komunikata dhe mesazhe mbështetjeje për trajnerin, duke shpresuar që ai të rikuperohet sa më shpejt. Ndeshja u ndërpre menjëherë për disa minuta për t’u dhënë mundësi mjekëve dhe ambulancës t’i jepnin ndihmë trajnerit të U21.