Ditën e enjte vendi ynë do të ndikohet nga kushte atmosferike të paqëndrueshme. Moti parashikohet me vranësira mesatare deri të dendura. Reshjet e herëpashershme të shiut me intensitet të ulët parashikohen që prej orëve të para. Gjatë ditës pritet që reshjet e shiut të vijojnë në mënyrë të herëpashershme me intensitet kryesisht të ulët.
Në zonën e Alpeve, në verilindje – juglindje në lartësinë mbi 1000-1100 metër do të ketë reshje bore me intensitet të ulët e lokalisht deri mesatar. Era do të fryjë me drejtim verilindje – juglindje me shpejtësi mesatare 8 m/s. Përgjatë vijës bregdetare e zonave luginore ajo pritet të fitojë shpejtësi deri 18 m/s. Valëzimi në detet Adriatik dhe Jon do të jetë i forces 3-5 ballë.
