Dakota Johnson është fotografuar në momente intime me partnerin e saj, këngëtarin Role Model, gjatë një daljeje në Los Angeles.
Çifti u pa duke shkëmbyer puthje pasionante dhe përqafime në një parking në zonën e Los Feliz, mbrëmjen e së premtes. Në disa prej fotove, Role Model shihet duke i përkëdhelur faqen dhe flokët aktores së “Fifty Shades of Grey”, ndërsa të dy duken shumë të afërt dhe të përfshirë në momente romantike në publik.
Më pas, çifti u drejtua për darkë në restorantin italian Little Dom’s, ku iu bashkuan edhe disa miq.
Thashethemet për lidhjen mes Dakota Johnson dhe Role Model nisën në dhjetor 2025, kur ata u panë për herë të parë së bashku në një darkë me miq. Sipas burimeve, dyshja u afrua shumë gjatë asaj mbrëmjeje, duke qëndruar pranë njëri-tjetrit në një ambient intim.
Në janar, ata shtuan dyshimet për romancë pasi u panë së bashku në disa dalje publike, ndërsa më vonë konfirmuan lidhjen duke u shfaqur dorë për dore gjatë një tjetër darke në Los Angeles.
Kjo romancë vjen pas ndarjes së aktores nga këngëtari i Coldplay, Chris Martin, me të cilin kishte një lidhje 8-vjeçare. Sipas burimeve, çifti u nda për shkak të diferencës në moshë dhe pikëpamjeve të ndryshme për të ardhmen, përfshirë çështjen e fëmijëve.
