Kryeministri izraelit, Benjamin Netanyahu, ka konfirmuar sot se avionët luftarakë izraelitë kanë goditur ura dhe hekurudha në Iran.
Garda Revolucionare e Iranit po i përdorte ata për të transportuar materiale për të prodhuar armë, pretendoi kryeministri i Izraelit në një deklaratë të lëshuar nga zyra e tij.
Ai tha se i miratoi sulmet me ministrin e mbrojtjes, Israel Katz, duke shtuar se ato nuk kishin për qëllim të synonin civilët iranianë, por qeverinë.
“Ky nuk është më i njëjti Iran, as i njëjti Izrael. Ne po e ndryshojmë balancën e fuqisë nga njëri skaj në tjetrin”, tha Netanyahu.
Më herët gjatë ditës së sotme, Izraeli u tha iranianëve të qëndronin larg trenave dhe hekurudhave.
IDF tha në një postim sot se ushtria izraelite shënjestroi tetë seksione urash dhe rrugësh që, sipas saj, Irani i përdorte për transportimin e armëve dhe pajisjeve ushtarake.
Autoritetet iraniane thanë sot se një seri sulmesh ajrore shkatërruan një urë hekurudhore në Kashan, një stacion treni në Mashhad dhe një urë autostrade pranë Tabrizit.
Raportet në mediat iraniane po hedhin poshtë sugjerimet se Teherani ka prerë ose kufizuar kanalet e tij diplomatike me Uashingtonin.
Në minutat e fundit, mediat iraniane po raportojnë se në fakt, kanalet diplomatike dhe indirekte nuk janë mbyllur.
