Spekulimet për një ribashkim mes reperes së njohur Cardi B dhe lojtarit të NFL, Stefon Diggs, janë rikthyer në qendër të vëmendjes, pasi ky i fundit u pa në koncertin e ish-partneres së tij në Washington, DC.
Të mërkurën në mbrëmje, trajneri personal Clyde Simmons publikoi në “Instagram Stories” disa pamje ku Diggs shfaqej duke shijuar koncertin e turneut “Little Miss Drama” në “Capital One Arena”, së bashku me familjen e tij, përfshirë vëllain Trevon Diggs dhe nënën e tyre, Stephanie Diggs.
Në video, lojtari shihej duke kërcyer ndërsa Cardi performonte vargun e saj në këngën “Thotiana Remix”. Më pas, grupi u pa duke festuar edhe gjatë performancës së këngës “ErrTime”, ndërsa Simmons shkroi mbi video: “E pushtuam vendin”.
Pas koncertit, Diggs mori pjesë edhe në afterparty-n e artistes në “Throw Social”. Sipas raportimeve, në një moment, Cardi iu afrua makinës së ish-it të saj, bisedoi me të dhe më pas hipi në automjetin e tij, duke u larguar së bashku nga vendi i ngjarjes.
Ky moment ka ndezur reagime të shumta në rrjetet sociale, ku fansat spekulojnë nëse çifti është rikthyer sërish bashkë. Disa shprehen të lumtur për një mundësi të dytë, ndërsa të tjerë shpresojnë që ata të kenë zgjidhur mosmarrëveshjet.
Cardi B dhe Stefon Diggs i dhanë fund lidhjes së tyre pak para “Super Bowl 2026”, ndërsa më pas u vu re se kishin hequr njëri-tjetrin nga rrjetet sociale.
Sipas burimeve për “People”, arsyeja e ndarjes lidhej me mungesën e besimit nga ana e artistes.
“Cardi është shumë e prerë në vendimet e saj. Sapo ndjeu se nuk mund t’i besonte më, vendosi të tërhiqej për t’u fokusuar te fëmijët, muzika dhe turneu,” tha burimi.
Ish-çifti kanë një djalë të lindur në nëntor 2025, ndërsa Cardi ka edhe tre fëmijë të tjerë me Offset. Nga ana tjetër, Diggs është baba i gjashtë fëmijëve nga marrëdhënie të ndryshme.
