Lapsi Video

Aplikacioni

Android iOS
Flash

Juventus në kontakt me menaxherin: Zhegrova drejt largimit menjëherë nga Torino

Lapsi.al 14 April 2026
Juventus në kontakt me menaxherin: Zhegrova drejt largimit
Vera e merkatos po afrohet dhe vëmendja është përqendruar edhe te Juventus, jo vetëm për afrimet e mundshme, por edhe për largimet. Në veçanti, Edon Zhegrova është emri që po del në pah këto orë. Për anësorin ofensiv të talentuar, përvoja me bardhezinjtë mund të jetë tashmë drejt fundit. Pas një sezoni me ulje-ngritje (më shumë ulje sesa ngritje, për hir të së vërtetës), sirenat nga jashtë duket se po bien me këmbëngulje për kosovarin.

Aventurë e re në Turqi?

Zërat e merkatos po bëhen gjithnjë e më konkretë: nga Turqia vjen lajmi se Beşiktaş është shumë i interesuar për kosovarin Zhegrova. Sipas asaj që raporton Fanatik, klubi turk është në kërkim të një anësori që mund të zëvendësojë Milot Rashicën në largim, një tjetër talent kosovar. Dhe pikërisht Zhegrova ka përfunduar në radarët e skautëve të Beşiktaş, i vlerësuar që nga koha e tij te Lille. Duket se ende nuk ka oferta zyrtare, por kontaktet paraprake me agjentin e lojtarit janë nisur për të testuar gatishmërinë dhe kushtet ekonomike të transferimit. Një mundësi që mund të rezultojë joshëse për Zhegrovën, në kërkim të më shumë hapësire dhe vazhdimësie në fushë.

Rendiment zhgënjyes me bardhezinjtë

Pas ardhjes nga Lille verën e kaluar, pritshmëritë për të ishin të larta, edhe për shkak të investimit të konsiderueshëm prej 14.3 milionë eurosh plus bonuse. Megjithatë, ndikimi i tij ka qenë mjaft i kufizuar: këtë sezon ka grumbulluar vetëm 21 paraqitje në total mes Serie A, Champions League dhe Kupës së Italisë, duke regjistruar vetëm 447 minuta lojë. Shifrat janë të pamëshirshme: asnjë gol, asnjë asist. Dhe në javët e fundit, nën drejtimin e teknikut Luciano Spalletti, hapësirat e tij janë zvogëluar gradualisht. Në 11 ndeshjet e fundit të Serie A, ka qëndruar në stol në 8 raste dhe në pak herë që ka zbritur në fushë ka grumbulluar vetëm 65 minuta.

Një ndarje e pashmangshme?

Zhegrova, edhe pse kontrata e lidh me Juventus deri në vitin 2030, e sheh një ndryshim skenari gjithnjë e më të mundshëm. Ambiciet e lojtarit, së bashku me nevojën e klubit për të lehtësuar organikën dhe bilancin, mund ta bëjnë këtë largim një zgjidhje të pashmangshme. Dëshira për rilindje është e fortë dhe gjetja e një hapësire të përshtatshme mund të jetë prioritet për Zhegrovën. Pikërisht për këtë arsye, ideja e një transferimi te Beşiktaş, ku mund të gjejë më shumë besim dhe të luajë si protagonist, mbetet e fortë. Megjithatë, Juventus nuk ka ndërmend të regjistrojë një minusvalencë: ndaj do të jetë e nevojshme që nga Turqia të vijë një ofertë mbi 10 milionë euro.

Të këshilluara

ide

Si po e çon Rama vendin drejt përplasjes civile

Insistimi në dhunë, në armatosje të civilëve, në pagesa të policëve si të ishin mercenarë, vetëm paqe nuk pjell. Frika e Edi Ramës se ku do të përfundojë kur të mos jetë kryeministër nuk ka pse të bëhet makthi i Shqipërisë

15:20 Armand Shkullaku

Pse guri dhe molotovi u bënë të pashmangshëm

Kjo revoltë rinore ka pasur një meritë të madhe. Ajo i bëri të njohur publikut të gjërë anën më kriminale të këtij regjimi që ishte deri më tani e konservuar në skutat më të fshehta. Nëse revolucioni ekstremisht paqësor i flamingove na tregoi se kjo qeverisje nuk ishte më popullore, epilogu i tij radikal, me gurë dhe molotov po shërben për të nxjerrë në dritë të diellit se autokrati është në gjendje të përdorë çdo mjet për të qëndruar në pushte

11:37 Andi Bushati

MOTI TIRANA

10°c

KËMBIMI EURO

91.10

aktuale

Ndiqe Lapsin edhe në

Me interes nga publiku

Me sytë katër

SPORT

Të tjerë artikuj

PAPARAZZI