Cisterna e naftës "Rich Starry", në pronësi kineze dhe me flamur malavian, pothuajse ka përfunduar kalimin nëpër Ngushticën e Hormuzit pas bllokadës detare amerikane e cila hyri në fuqi pasditen e djeshme.
Kjo është sipas të dhënave të gjurmimit të anijeve nga faqja e internetit MarineTraffic. Anija 188 metra e gjatë dhe 29 metra e gjerë u nis dje nga Sharjah (Emiratet e Bashkuara Arabe dhe tani po hyn në Gjirin e Omanit.
Ndërkohë qeveria pakistaneze është ofruar të organizojë një raund të dytë negociatash midis Shteteve të Bashkuara dhe Iranit në Islamabad në ditët në vijim.
Bisedimet midis ambasadorëve libanezë dhe izraelitë në SHBA pritet të zhvillohen në Uashington këtë të martë . Kjo do të jetë hera e parë në dekada që zyrtarët e të dy vendeve të cilat nuk kanë marrëdhënie diplomatike takohen ballë për ballë për negociata të drejtpërdrejta.
Sekretari i Shtetit i SHBA-së Marco Rubio, pritet t'u bashkohet këtyre bisedimeve. Ato vijnë vetëm disa ditë pasi SHBA-të dhe Irani nuk arritën një marrëveshje për t'i dhënë fund luftës më të gjerë në Lindjen e Mesme.
Ambasadorët libanezë dhe izraelitë pritet të diskutojnë mundësinë e bisedimeve të drejtpërdrejta të nivelit më të lartë midis vendeve të tyre.
Autoritetet libaneze duan së pari të ndërmjetësojnë një armëpushim në luftën e vazhdueshme të Izraelit me Hezbollahun. Megjithatë, Izraeli e ka përjashtuar këtë mundësi, duke këmbëngulur që grupi i mbështetur nga Irani duhet të çarmatoset. Dhe Hezbollahu ka hedhur poshtë bisedimet dhe ka thënë se nuk do t'i përmbahet asgjëje për të cilën është rënë dakord.
Luftimet e fundit midis Izraelit dhe Hezbollahut kanë qenë shkatërruese për Libanin. Më shumë se një milion njerëz janë zhvendosur dhe më shumë se 2,000 janë vrarë - përfshirë rreth 500 gra, fëmijë dhe punonjës mjekësorë.
