Struktura e Posaçme Kundër Korrupsionit dhe Krimit të Organizuar (SPAK) ka ndërmarrë një aksion të gjerë, ku janë firmosur 11 urdhër-arreste.
Burime bëjnë me dije se urdhrat janë lëshuar nga prokurori Alfred Shehu, ndërsa operacioni është shoqëruar me arrestime dhe kontrolle në disa zona. Mësohet se aksioni është goditje ndaj një grupi të trafikut të drogës.
Prokuroria e Posaçme ka lëshuar 11 urdhër arreste, ku mes tyre është edhe Jetmir Pepa, pronar i kompanisë së ndërtimit ‘Pepa Group’. Urdhër-arresti për Jetmir Pepën nuk është ekzekutuar, pasi ai ndodhet jashtë vendit. Aksioni i SPAK vijon, ndërsa në orët në vijim priten detaje në lidhje me këtë operacion.
Kujtojmë se emri i Pepës u lakua pak kohë më parë kur ish-bashkëshortja e tij, Mariela Berisha dhe motra e saj, Antonela Berisha u përfshinë në një konflikt të rëndë, ku sulmuan me gotë në një restorant një blogere.
