Kreu i partisë italiane “+Europa” në opozitë, Riccardo Maggi, së bashku me mbështetësit e tij kanë zhvilluar një protestë gjatë vizitës së kryeministrit shqiptar Edi Rama në Romë. Teksa në “Palazzo Chigi” Rama dhe Meloni po zhvillonin takimin Maggi ngriti shqetësimin e mosfunksionimit të gjëndrave të pritjes së emigrantëve në Gjadër dhe kostove të larta të tyre.
“Ne i pritëm kështu, (Ramën dhe Melnonin) duke u kujtuar atyre se qendrat në Shqipëri nuk kanë funksionuar, nuk po funksionojnë dhe nuk do të funksionojnë. Arsyeja është e thjeshtë: ato janë të paligjshme.
Por edhe fyerje për italianët: vendit tonë i mungojnë 680 milionë euro për të shmangur procedurat e shkeljes për tejkalime të deficitit, dhe kjo është pikërisht kostoja e shpërdorimit të madh të parave publike në “hot spot”-et elektorale të Melonit në Shqipëri. Një dështim i plotë” – u shpreh Maggi.
Nuk dihet se për çfarë kanë diskutuar Rama dhe Meloni për këtë çështje pasi pas takimit nuk pati deklarata për mediat. ©LAPSI.al
