Victoria Beckham ka folur për herë të parë publikisht mbi marrëdhënien e tensionuar me djalin e saj të madh, Brooklyn Beckham.
Në një intervistë për Wall Street Journal, ajo theksoi se ajo dhe bashkëshorti i saj, David Beckham, kanë bërë gjithmonë maksimumin si prindër.
“Ne i duam shumë fëmijët tanë. Gjithmonë kemi provuar të jemi prindërit më të mirë që mundemi,” u shpreh Victoria, pa e përmendur drejtpërdrejt emrin e Brooklyn.
Ajo shtoi se gjatë më shumë se 30 viteve në vëmendjen e publikut, qëllimi i tyre kryesor ka qenë të mbrojnë dhe të duan fëmijët.
“Dhe e dini, kemi qenë në sytë e publikut prej më shumë se 30 vitesh tashmë, dhe gjithçka që kemi provuar të bëjmë është të mbrojmë fëmijët tanë dhe t’i duam fëmijët tanë. Dhe e dini, kjo është e vetmja gjë që dua të them për këtë.”
Çifti Beckham ka katër fëmijë: Brooklyn, Romeo, Cruz dhe Harper. Por raportet mes tyre janë përkeqësuar vitet e fundit, sidomos pas martesës së Brooklyn me aktoren Nicola Peltz në vitin 2022.
Sipas raportimeve, Brooklyn është distancuar nga familja dhe madje ka ndërprerë kontaktet.
Në një reagim të gjatë në rrjetet sociale më herët këtë vit, ai deklaroi se nuk dëshiron pajtim dhe akuzoi prindërit për manipulim të narrativave në media.
Ndërkohë, familja Beckham raportohet se ka tentuar disa herë të përmirësojë marrëdhënien, por pa sukses deri tani.
