Irani ka ndryshuar sërish qëndrim për Ngushtica e Hormuzit, duke e mbyllur pas vetëm një dite nga rihapja, në përgjigje të bllokadës detare të SHBA-së ndaj porteve iraniane. Situata u tensionua kur forcat iraniane sulmuan të paktën tre anije civile. Raportohet se një cisternë u qëllua pa paralajmërim nga mjete të Korpusit të Gardës Revolucionare Islamike (IRGC). Një anije tjetër u godit dhe një e tretë i shpëtoi për pak një sulmi. Pas incidenteve, disa anije ndryshuan kurs, duke reflektuar pasigurinë në një nga korridoret më të rëndësishme të energjisë në botë.
Presidenti amerikan Donald Trump deklaroi se Irani “nuk mund të shantazhojë”, por njëkohësisht konfirmoi se kontaktet mes palëve po vijojnë. Ndërkohë, zyrtarë iranianë paralajmëruan se ngushtica do të mbetet e mbyllur për sa kohë që eksportet e tyre janë nën kërcënim, duke thelluar më tej tensionet në rajon.
