Disa zona të Lezhës, përfshirë ishull Shëngjinin, kanë mbetur pa energji elektrike që prej orëve të para të mëngjesit, për shkak të një defekti në rrjet.
Burime zyrtare nga Operatori i Shpërndarjes së Energjisë Elektrike bëjnë me dije se shkaku i ndërprerjes është një avari në fiderin e Kallmetit, e cila ka sjellë mungesë energjie në disa zona të qarkut.
Problemi vijon të jetë ende i pazgjidhur, ndërsa ekipet teknike po punojnë në terren për rikthimin e furnizimit me energji.
Deri më tani, nuk ka një afat të saktë se kur do të normalizohet situata për qytetarët e prekur.
