Kendall Jenner duket se ka nisur një lidhje të re me aktorin Jacob Elordi.
Sipas raportimeve të Page Six, Jenner ka qenë fillimisht “pak hezituese” për shkak të miqësisë së gjatë që ndan me aktorin e “Euphoria”.
“Ata njihen prej kohësh dhe kanë të njëjtin rreth shoqëror”, ka thënë një burim, duke shtuar se dinamika mes tyre “ka ndryshuar kohët e fundit”.
Burimi zbulon se dyshja ka disa muaj që po kalojnë kohë së bashku, por në mënyrë diskrete. “Thjesht po rrinë bashkë dhe po shohin se ku mund të shkojë kjo”, thuhet më tej.
Megjithatë, Jenner mbetet e kujdesshme në këtë fazë. “Ajo është shumë private dhe nuk është tip që hidhet menjëherë në një lidhje, sidomos me dikë që ka qenë mik prej kohësh”.
Edhe pse kanë vite që njihen dhe kanë frekuentuar të njëjtat evente — përfshirë festën e ditëlindjes së Jenner në Paris në vitin 2022 — raportet sugjerojnë se afrimiteti mes tyre është rritur vetëm së fundmi.
Sipas burimeve, modelja tashmë është “më e hapur” ndaj idesë së një romance, por gjithçka mbetet ende në fazë fillestare.
“Është diçka e lehtë mes tyre, pa presion. Thjesht po shohin se çfarë do të ndodhë”, shton burimi.
Një rol pozitiv në këtë raport thuhet se ka edhe motra e saj, Kylie Jenner, e cila e mbështet këtë afrim dhe mendon se ata “janë një kombinim i mirë”.
Dyshimet për një romancë nisën pasi dyshja u pa së bashku në një festë pas Coachella 2026, ku sipas raportimeve ata ishin shumë të afërt.
Megjithatë, as Jenner dhe as Elordi nuk kanë reaguar publikisht ndaj këtyre lajmeve.
Jenner ka qenë më parë e lidhur me emra të njohur si Devin Booker, Bad Bunny dhe Harry Styles. Nga ana tjetër, Jacob Elordi ka pasur marrëdhënie me Olivia Jade dhe Kaia Gerber.
