Sipas raportimeve të Page Six, aktorja e njohur Zoë Kravitz dhe Harry Styles mund të kenë hedhur një hap të madh në lidhjen e tyre.
Thashethemet për një fejesë shpërthyen në rrjet pasi Kravitz u fotografua me një unazë diamanti në dorën e majtë gjatë një shëtitjeje me Styles.
Një burim i afërt me çiftin ka deklaruar për median se këngëtari është “plotësisht i dashuruar” dhe “do të bënte gjithçka për të”.
Nga ana tjetër, sipas të njëjtit burim, aktorja “është në qiellin e shtatë”.
Dyshja u lidh për herë të parë në gusht të vitit 2025, kur u panë së bashku në Romë dhe më pas në Londër, duke konfirmuar shpejt se marrëdhënia e tyre ishte më shumë se një romancë kalimtare.
Burime të mëvonshme kanë sugjeruar se lidhja mes tyre ka avancuar me ritme të shpejta, ndërsa në fillim të vitit 2026, Kravitz thuhet se e konsideronte Styles si “shpirtin e saj binjak”.
Megjithatë, deri në këto momente, as Kravitz dhe as Styles nuk kanë konfirmuar zyrtarisht lajmin për fejesë, duke e lënë gjithçka në nivel spekulimesh.
Çifti ka zgjedhur të mbajë një profil të ulët publik, duke u shfaqur rrallë së bashku në publik, kryesisht në shëtitje të përditshme apo evente private.
