Të fitosh një derbi sigurisht që ka shumë rëndësi, aq më tepër në gjendjen që është Tirana, në luftë për mbijetesë. Por suksesi, sado i arritur kundër një rivali të përjetshëm si Partizani, nuk mund të legjitimojë koret fyese të lojtarëve bardheblu ndaj kundërshtarit të tyre. Kur një gjë të tillë e bëjnë tifozët, nuk është e bukur, por është e kuptueshme, por ta bëjnë lojtarët, që nga njëri sezon në tjetrin mund të veshin edhe fanellat e rivalëve, sic ka ndodhur shumë shpesh, është e turpshme dhe mund të pasohet me penalizime.
Tirana, është e vërtetë, mori një fitore të madhe në derbin përballë Partizanit, duke përmbysur rezultatin me shifrat 2-1, por episodi i shëmtuar u regjistrua në fund të ndeshjes, kur lojtarët bardheblu shkuan të festonin me lojtarët e tyre poshtë tribunës. Iniciator u duk të ishte Rijad Kobiljar, edhe pse vështirë se boshnjaku i ardhur në janar te Tirana e ka të qartë frazën që nxiti tifozët: “Partizani t’q*va robt oe oe”, dëgjohet të thotë ai, shoqëruar nga gjithë pjesa tjetër e skuadrës dhe me tifozët që pastaj morën stafetën.
Lexo më tej: Alvarez, çfarë goli: Tirana përmbys Partizanin në derbi dhe është gati e shpëtuar
Sigurisht që ky moment pritet të vlerësohet me imtësi edhe nga Komisioni i Displinës. Një dënim pritet për 30-vjeçarin, mungesa e të cilit mund të penalizojë Tiranën në këtë fund sezoni, ku pikët janë ende shumë të rëndësishme.
[video width="816" height="464" mp4="https://cdnimpuls.com/lapsi.al/wp-content/uploads/2026/04/WhatsApp-Video-2026-04-26-at-12.25.08.mp4"][/video]
