Aktorja e njohur Lisa Kudrow ka hedhur dritë mbi prapaskenat e vështira të serialit ikonik Friends, duke zbuluar sjellje “të ashpra” dhe shpesh fyese nga ana e skenaristëve.
Në një intervistë për The Times, ajo tregoi se gjatë xhirimeve kishte një atmosferë presioni të vazhdueshëm, sidomos për shkak të faktit që episodat regjistroheshin përpara një audience live prej rreth 400 personash.
“Nëse nuk e thoje saktë një replikë ose nuk merrte reagimin e duhur, ata mund të reagonin shumë keq, madje me fyerje,” u shpreh ajo.
Kudrow shtoi se dhoma e skenaristëve dominohej nga meshkuj dhe shpeshherë diskutimet kalonin kufijtë profesionalë.
“Ata rrinin deri vonë dhe flisnin për fantazitë e tyre seksuale ndaj kolegeve të mia,” tha ajo, duke iu referuar Jennifer Aniston dhe Courteney Cox.Sipas saj, kjo krijonte një ambient pune të vështirë, ndërsa dinamika mes aktorëve dhe skenaristëve mund të bëhej “brutale”.
Megjithatë, aktorja theksoi se përpiqej t’i injoronte këto situata, duke qenë se skenaristët punonin nën presion të madh për të realizuar episodet.
“Ata punonin deri në orët e para të mëngjesit për ta bërë serialin të suksesshëm, ndaj mendoja: le të thonë çfarë të duan pas shpine,” u shpreh ajo.
Lisa Kudrow, e cila luajti rolin e Phoebe Buffay nga viti 1994 deri në 2004, ishte pjesë e kastit së bashku me Matt LeBlanc dhe David Schwimmer, përveç Aniston dhe Cox. Ajo foli gjithashtu për kolegun e ndjerë Matthew Perry, duke e quajtur atë një “gjeni”.
“Çfarëdo që të bëjmë në të ardhmen, nuk do të përjetojmë më diçka si ‘Friends’,” përfundoi Kudrow.
