Zbulohet skema e mashtrimit shumëmilionëshe në internet që përfshinte lajme të rreme nga persona të famshëm. Tre qendra telefonatash në Shqipëri u bastisën dhe dhjetë persona u arrestuan. Mes viktimave kishte edhe austriakë.
DIE PRESSE
Zyra e Prokurorit për Krimet Ekonomike dhe Korrupsionin në Austrisë dhe Zyra Federale e Policisë Kriminale, së bashku me autoritetet shqiptare, kanë zbuluar një mashtrim ndërkombëtar në internet me vlerë shumë milionë euro që përfshinte lajme të rreme nga personazhe të famshëm.
Siç njoftuan autoritetet në një konferencë për shtyp të mërkurën, viktimat u joshën në investime me informacione të rremë.
Tre qendra telefonatash (call-center) në Shqipëri u çmontuan dhe dhjetë persona u arrestuan. Midis viktimave kishte edhe austriakë.
Operacioni u krye me mbështetjen e Europol dhe Eurojust. Hetimi zgjati dy vjet.
Dëmi arrin në të paktën 50 milionë euro. 900,000 euro janë rikuperuar tashmë.
Identitetet e figurave të njohura si Presidenti Federal i Austrisë, Alexander Van der Bellen, dhe prezantuesi i ORF, Armin Wolf, u përdorën në mashtrim.
