Goldie Hawn ka reaguar me humor ndaj deklaratës së Meryl Streep, e cila së fundmi zbuloi se dikur kishin pasur “mosmarrëveshje” gjatë xhirimeve të filmit Death Becomes Her për shkak të vonesave të Hawn në set.
Në një intervistë për “Entertainment Tonight”, aktorja 80-vjeçare pranoi me shaka: “Besoj se jam 15 minuta me vonesë për gjithçka. Sinqerisht, është e pabesueshme.”
Megjithatë, ajo theksoi se gjithçka u kapërcye dhe se sot ajo dhe Streep janë mike shumë të afërta.
“E kaluam atë dhe u bëmë shoqe shumë të mira për kaq shumë vite,” tha Hawn. “Por tani është thjesht një shaka mes nesh.”
Aktorja shtoi me humor se ndoshta problemi nuk ishte vonesa e saj, por fakti që Streep ishte “shumë herët” në set. Deklarata erdhi pasi Meryl Streep rrëfeu në një intervistë për Vanity Fair se Hawn vinte shpesh me vonesë gjatë xhirimeve të komedisë kult të vitit 1992.
“Goldie ishte gjithmonë me vonesë. Unë jam gjithmonë në kohë dhe ndonjëherë bezdisëse,” u shpreh Streep me humor.
Ajo kujtoi se Hawn mbërrinte në set me një makinë sportive të kuqe, ndërsa të gjithë mendonin se ishte “shumë simpatike”. Pavarësisht batutave, Streep e quajti Hawn një nga miket e saj dhe tha se koha që kaluan bashkë në xhirime ishte “argëtuese dhe fantastike”.
