Cardi B dhe Stefon Diggs kwnë nxitur sërish thashethemet për ribashkim pas paraqitjes së tyre të afërt në një event për Ditën e Nënës.
Në një video të shpërndarë në rrjetet sociale nga gazetarja sportive Kelsey Nicole Nelson, Stefon shihet duke i dhënë një puthje në faqe reperes së famshme, ndërsa e përqafon gjatë eventit bamirës “Diggs Deep Foundation Mother’s Day Wellness”, të mbajtur të shtunën.
Dyshja pozoi edhe për fotografi gjatë eventit, ndërsa në një tjetër imazh të publikuar në rrjete sociale ata shihen duke u përqafuar ngrohtësisht, me Cardi-n që buzëqeshte e lumtur.
Paraqitja e tyre ka forcuar zërat se çifti është rikthyer bashkë, vetëm dy muaj pasi raportimet për ndarje qarkulluan në shkurt.
Spekulimet për një ribashkim nisën sërish në prill, kur Diggs mori pjesë në koncertin e Cardi B në Washington DC dhe më pas u pa duke kaluar kohë me të edhe në afterparty.
Sipas mediave amerikane, marrëdhënia e tyre kishte kaluar në krizë për shkak të problemeve të besimit. Burime pranë çiftit kishin deklaruar më herët se Cardi “nuk mund t’i besonte më” sportistit.
Cardi B dhe Stefon Diggs e bënë publike lidhjen e tyre në maj të vitit 2025 dhe kanë një djalë së bashku, të lindur në nëntor të po atij viti.
Ndërkohë, reperja vazhdon procesin e divorcit me Offset, me të cilin ka tre fëmijë.
