Militantët shpërthyen një makinë-bombë në një pikë kontrolli të policisë në Bannu, në veriperëndim të Pakistanit dhe hapën zjarr ndaj oficerëve, duke vrarë të paktën 12 persona në Pakistan. Sulmi ndodhi të shtunën vonë në zonën Fateh Khel, ku një person shpërtheu një automjet të mbushur me eksplozivë në një pikë kontrolli të policisë dhe militantë të tjerë hapën zjarr ndaj personelit të policisë.
"Mbrëmë në zonën Fateh Khel të Bannu-së, një kamikaz me bombë përplasi një automjet të mbushur me eksploziv në një pikë kontrolli të policisë, pas së cilës disa militantë hynë në postblloqe", tha zyrtari i policisë së Bannu-së, Muhammad Sajjad Khan.
Mediat shkruajnë se si pasojë e këtij sulmi kanë humbur jetën 12 persona dhe janë plagosur pesë të tjerë, ndërsa një person tjetër është raportuar i zhdukur. Sulmi ishte i fundit në provincën kufitare të Khyber Pakhtunkhwa, mes një vale militantizmi që ka tensionuar lidhjet midis Islamabadit dhe Kabulit. Bannu është përfshirë nga aktiviteti militant për shkak të afërsisë me kufirin me Afganistanin.
