Mediat greke po i kushtojnë vëmendje të madhe gjetjes në bregdetin e Lefkada të një droni detar prodhim ukrainas, i cili ishte i mbushur me eksploziv. STAR TV ka publikuar imazhe satelitore të lëvizjes në detin Mesdhe të një konvoji rus që besohet se ishte shënjestra e dronit.
Anijet ruse me naftë janë fiksuar në jug të Kretës ashtu edhe në Maltë. Dronit detar u pikas aksidentalisht nga peshkatarët dhe dyshohet se ai mund të ketë pasur një defekt ose kishte dalë jashtë kontrollit.
Autoritetet greke janë duke hetuar se nga është nisur droni i mbushur me 100 kg eksploziv. Sipas mediave të vendit fqinj autoritetet greke të sigurisë po hetojnë dy porte, njëri në Adriatik dhe një në Mesdhe.
I pari është në Vlorë dhe i dyti, në portin e Misratës në Libinë Perëndimore. Atje, në fakt, një hetim zbuloi së fundmi se Ukraina mban një prani ushtarake, me më shumë se 200 oficerë dhe specialistë të dronëve.
“Këta dronë lundrojnë në zonat e detit të hapur në ujërat ndërkombëtare, duke patrulluar dhe kanë informacionin përkatës se në një moment të caktuar do të kalojë një anije ruse dhe pastaj ata shkojnë dhe e godasin atë. Në thelb është një silur sipërfaqësor i drejtuar”, thotë STAR, Vangelis Xanthakis, një ekspert në sistemet e anijeve pa pilot. ©LAPSI.al
