Një argjendari në Kamëz ra pre e grabitjes nga dy persona të maskuar të shtunën. Policia po vijon verifikimin e provave edhe në vendngjarje ku rezulton se autorët kanë marrë ar dhe argjend.
Në funksion të hetimit në pyetje është marrë edhe punonjësja e argjendarisë, e cila tha se nuk ka pasur asnjë përballje me autorët pasi në momentin e grabitjes ajo nuk ka qenë në banak por në pjesën e pasme të tij, në një prej ndarjeve të dyqanit.
“Nuk kam pasur asnjë përballje me autorët në momentin e grabitjes. Isha në banak, por në pjesën e pasme të tij”, rrëfeu punonjësja.
Deri më tani disa persona janë shoqëruar në komisariat, ndërsa uniformat blu kanë zbuluar itinerarin e autorëve.
Sipas burimeve, autorët janë larguar menjëherë pas grabitjes në drejtim të Zallherrit, duke lëvizur me motor dhe gjithmonë të maskuar në çdo sekuencë filmike të pamjeve të kamerave të siguruara. Në një moment ata kanë rrëshqitur dhe janë rrëzuar me motor, por më pas kanë vijuar arratisjen.
Ndërkohë, policia shoqëroi disa persona me precedentë penalë në zonë për verifikim, nëse kanë lidhje me ngjarjen. Pavarësisht kontrolleve dhe shoqërimeve të kryera, autoritetet ende nuk kanë arritur të identifikojnë autorët e grabitjes. Hetuesit po analizojnë provat e mbledhura në vendngjarje, ku rezulton se autorët kanë marrë sende ari dhe argjendi. /lapsi.AL
