Juventus humbi keq ndaj Fiorentina dhe ka kompromentuar, ndoshta në mënyrë të parikuperueshme, garën për Champions League. Një 2-0 që vë në diskutim drejtuesit dhe ndoshta edhe vetë Luciano Spalletti. Tani duhet të fitojë ndaj Torinos dhe të shpresojë në një hap fals të Milanit ose Romës. Humbja ka lënë pasoja të rënda edhe brenda dhomave të zhveshjes. Manuel Locatelli dhe Dusan Vlahovic, pasi u zunë në fushë, janë gjobitur rëndë nga klubi.
Sherri në fushë mes Vlahovic dhe kapitenit Locatelli
Një debat, një sherr i fortë dhe shumë i dukshëm gjatë ndeshjes me Fiorentinën. Para 41 mijë spektatorëve në Stadium dhanë një shfaqje aspak të këndshme. Një përplasje e ndezur mes kapitenit dhe sulmuesit të qendrës, protagonistë të një sherri që shumë shpejt përfundoi edhe në rrjetet sociale dhe natyrisht u bë viral. Vlahovic kundër Locatellit. Një imazh i shëmtuar. Fjalët fluturojnë, gjestet janë shumë të qarta.
Juventus do ta mbyllë Serie A duke luajtur me Torinon
Me gjakftohtësi, klubi reflektoi dhe me miratimin e trajnerit Luciano Spalletti, siç raporton La Gazzetta dello Sport, vendosi të gjobisë si kapitenin ashtu edhe ish-sulmuesin e Fiorentinës, i cili do të largohet nga klubi pas derbit duke mos rinovuar kontratën. Gjoba është një sinjal i fortë, edhe pse shifra nuk dihet, për skuadrën që duhet të provojë të shkojë përtej limiteve të dielën e ardhshme në derbin me Torinon, që do të mbyllë sezonin. Do të nevojitet unitet dhe një shpirt ndryshe për të tentuar të kapet një vend në Champions League, që gjithsesi do të kishte diçka të mrekullueshme duke parë avantazhin e lehtë, por vendimtar të Milanit dhe Romës, super favorite respektivisht ndaj Cagliari dhe Verona.
