Ariana Grande është përlotur gjatë koncertit të saj në Los Angeles, duke falënderuar fansat për mbështetjen e tyre në një periudhë të ndjeshme pas ndarjes nga partneri i saj Ethan Slater.
Gjatë ndalesës së turneut “Eternal Sunshine” në Crypto.com Arena, këngëtarja u shpreh e emocionuar para publikut, duke thënë se ndjehej e mbingarkuar në mënyrën më të bukur nga dashuria e fansave. Ajo shtoi se mbështetja e tyre ka qenë shumë e rëndësishme gjatë gjithë karrierës së saj.
“Është hera e parë pas shtatë vitesh që jam në turne para jush,” tha Grande, duke shtuar se nuk kishte përjetuar kurrë një audiencë të tillë.
Artistja, 32 vjeç, u pa dukshëm e prekur emocionalisht, ndërsa falënderoi publikun për praninë dhe mbështetjen “gjatë të gjitha kapitujve të jetës së saj”.
Sipas raportimeve, ndarja e saj me Slater ka ndodhur disa muaj më parë, ndërsa të dy kanë mbetur miq. Dyshja u njoh gjatë xhirimeve të filmit “Wicked” në vitin 2022.
Ndërkohë, Grande po vazhdon turneun e saj si dhe po përgatit publikimin e albumit të ri, i cili pritet të dalë më 31 korrik.
