Protestat studentore në Shqipëri kanë marrë vëmendjen e mediave ndëerkombëtare. Deutsche Welle shkruan se pavarësisht thirrjeve për largimin e Edi Ramës, kryeministrin po refuzon të japë dorëheqjen. DW citon kryeministrin, i cili tha se demonstratat nuk ishin një kërcënim për qeverinë, por më tepër një kërcënim për ambicien e Shqipërisë për anëtarësim në Bashkimin Evropian.
DW thekson ndër të tjera se protestat vijnë në një kohë të vështirë për Shqipërinë, pasi është midis një grupi shtetesh të Ballkanit që kërkojnë të anëtarësohen në BE deri në vitin 2030. Në artikull, DW shkruan gjithashtu se nga Brukseli ka pasur thirrje për qetësi mes protestave të dhunshme. Po ashtu Komisioni Europian të dielën dënoi përdorimin e dhunës në Tiranë dhe qytete të tjera. Komisioni shtoi se mirëpriti angazhimin e autoriteteve shqiptare se e drejta për të protestuar do të mbrohet.
Artikulli i DW:
Protestat e udhëhequra nga studentët vazhduan në Shqipëri për të gjashtën ditë me radhë, me kërkesa të vazhdueshme që kryeministri Edi Rama të japë dorëheqjen.
Pavarësisht këtyre thirrjeve, Rama po refuzon të japë dorëheqjen , duke thënë se demonstratat nuk ishin një kërcënim për qeverinë, por më tepër një kërcënim për ambicien e Shqipërisë për anëtarësim në Bashkimin Evropian.
Çfarë tha Rama
“Unë nuk po sfidohem, qeveria nuk po sfidohet, një shumicë qeveritare ose një parti fituese në zgjedhje nuk po sfidohet, por një rrugë po sfidohet, një mision po sfidohet”, tha Rama në një fjalim të drejtpërdrejtë në Facebook.
“Shqiptarët duhet të mendojnë shumë qartë: A e duan këtë, a e duan atë, apo e duan BE-në?”, pyeti Rama.
Rama përjashtoi mundësinë e dorëheqjes dhe tha se protestat janë "vepër e një dore të jashtme".
Më herët gjatë javës, Rama përjashtoi mundësinë e dorëheqjes, duke thënë se qeveritë u ndryshuan përmes zgjedhjeve.
Demonstratat e udhëhequra nga studentët, të nxitura nga pakënaqësia për korrupsionin e dyshuar qeveritar, papunësinë dhe standardet e dobëta të arsimit, kanë tronditur qendrën e Tiranës dhe janë përhapur në qytete të tjera gjatë javës së kaluar.
Vazhdojnë përleshjet midis protestuesve dhe policisë
Të dielën, qindra njerëz u mblodhën jashtë Ministrisë së Arsimit , duke brohoritur "Rama jep dorëheqjen!" dhe hodhën gurë drejt policisë së trazirave, e cila u përgjigj me gaz lotsjellës, topa uji dhe plumba gome. Protestat vijnë në një kohë të vështirë për Shqipërinë, pasi është midis një grupi shtetesh të Ballkanit që kërkojnë të anëtarësohen në BE deri në vitin 2030.
Nga Brukseli ka pasur thirrje për qetësi mes protestave të dhunshme. Komisioni Europian të dielën dënoi përdorimin e dhunës në Tiranë dhe qytete të tjera. Komisioni shtoi se mirëpriti angazhimin e autoriteteve shqiptare se e drejta për të protestuar do të mbrohet.
