Një aksident zinxhir është regjistruar mesditën e kësaj të hëne në autostradën Durrës-Tiranë, pranë Sukthit ku në përplasje janë përfshirë shtatë automjete.
Sipas informacioneve paraprake, fillimisht janë përplasur dy automjete, ndërsa pak metra më tej janë përfshirë në një përplasje zinxhir pesë makina të tjera. Si pasojë e aksidentit, qarkullimi në drejtim të Tiranës është rënduar, duke krijuar rradhë kilometrike të automjeteve.
Një tjetër aksident është regjistruar edhe në kahun Tiranë-Durrës, pranë Maminasit, çka ka përkeqësuar situatën e trafikut në të dyja drejtimet e autostradës. Policia e Durrësit bën me dije se nga të dy aksidentet nuk ka persona të lënduar.
Forcat e shërbimit policor ndodhen në vendngjarje për të normalizuar qarkullimin e mjeteve dhe për të zbardhur rethanat dhe shkaqet e aksidenteve.
