Aston Villa ka ngritur padi ndaj Jamie Carragher. Ish-mbrojtësi i Liverpool është vënë në shënjestër të klubit anglez pas deklaratave të tij në lidhje me një kalim të mundshëm të Unai Emery te Manchester United, gjatë podcastit “Stick to Football”. “Aston Villa nuk do të jetë kurrë Manchester United”, deklaroi eksperti i futbollit.
“Nuk dua të fyej tifozët e Aston Villa, por në futboll ekziston një hierarki, pavarësisht nëse ju pëlqen apo jo”, tha Carragher. “Real Madrid do të marrë lojtarin më të mirë të Manchester United. Ka shumë pak klube mbi United dhe e njëjta gjë vlen edhe për Liverpool. Ka klube që janë nën Aston Villa prej të cilave ajo mund të marrë trajnerin e ri dhe, nëse është e nevojshme, edhe lojtarët më të mirë. Prandaj, heshtni tifozë të Villans: ju nuk do të jeni kurrë United”, shtoi ai.
Deklarata dhe toni i përdorur nuk i kanë pëlqyer aspak pronarit të klubit nga Birmingham, Nassef Sawiris, i cili ka reaguar me një komunikatë zyrtare, duke njoftuar se do të ndërmarrë veprime ligjore ndaj Carragher për “fyerjet e papranueshme” të tij.
