Një 55-vjeçar ka humbur jetën dhe katër persona janë plagosur në një aksident të rëndë në aksin Levan–Tepelenë, pranë rrethrrotullimit të Levanit. Në aksident u përfshinë një “Audi” dhe një “Benz”. Si pasojë e përplasjes, humbi jetën drejtuesi i “Audit”, D.B., 55 vjeç.
Tre pasagjerë që udhëtonin në “Audi” u transportuan në spital. Edhe drejtuesi i “Benz”-it mori ndihmë mjekësore. Të katërt ndodhen jashtë rrezikut për jetën. Paraprakisht dyshohet se shpejtësia mbi normat e lejuara mund të ketë ndikuar në aksident. Policia po heton dinamikën dhe shkaqet e plota të përplasjes.
