Një 27-vjeçar humbi jetën në një aksident të rëndë në aksin Korçë–Maliq, pranë fshatit Vashtëmi. Një automjet tip “Audi”, që dyshohet se po lëvizte me shpejtësi të lartë, ka goditur nga pas një automjet tjetër. Si pasojë e përplasjes së fortë, automjeti i goditur ka dalë nga rruga. Drejtuesi 27-vjeçar i mjetit, i cili udhëtonte i vetëm, humbi jetën në vendngjarje, për shkak të plagëve të marra.
Ndërkohë, në “Audi” ndodheshin katër persona. Tre të tjerët, një djalë dhe dy vajza, mbetën të plagosur. Njëri u dërgua në Spitalin e Korçës, ndërsa dy vajzat në Spitalin e Pogradecit. Policia shoqëroi drejtuesin e “Audi”-t. Hetimet vijojnë për zbardhjen e shkaqeve të aksidentit.
