Një ngjarje e rëndë është shënuar mëngjesin e kësaj të hëne në Rrugën e Kombit. Një shtetas nga Kosova është përplasur nga një mjet sapo ka zbritur nga autobusi dhe ka tentuar të kalojë nga ana tjetër e autostradës. Shtetasi, që mbeti fillimisht i plagosur, Kujtim Aliu humbi jetën gjatë transportimit për në spital.
“Rreth orës 08:45, në Rrugën e Kombit, në afërsi të fshatit Gëziq, automjeti me drejtuese shtetasen kosovare N. R. ka përplasur shtetasin K. A., rreth 46 vjeç, këmbësor. Si pasojë është dëmtuar shtetasi K. A., i cili ka humbur jetën gjatë transportimit në spital.
Drejtuesja e automjetit u shoqërua në Komisariat, për kryerjen e veprimeve procedurale. Grupi hetimor po punon për zbardhjen e rrethanave të aksidentit”, thuhet në njoftimin e policisë.
