Një aksident i rëndë është shënuar mëngjesin e kësaj të hëne në autostradën Lushnje-Rrogozhinë, në fshatin Zham Sektor. Një automjet tip fuoristradë ka përplasur një 75-vjeçare që po kalonte në anën tjetër të rrugës. E moshuara Bajame Ramazani po kalonte autostradën për të shkuar tek tokat duke kaluar mbi trafikndarëse vetëm 50 metra larg mbikalimit.
Përplasja ka qenë tepër e fortë dhe 75-vjeçarja është transportuar në gjendje kritike për jetën nga ambulanca në spitalin e Lushnjes, ku është nën kujdesin intensiv të mjekëve. Policia ka shkuar në vendngjarje. Është ndaluar drejtuesi i fuoristradës deri në sqarimin e rrethanave.
