Një alarm për bombë është raportuar në një pallat në lagjen nr. 4 të Durrësit. Në rrugën paralele me portin detar është konstatuar një telefon me një masë të lidhur me të, që ka ngjallur menjëherë dyshime dhe është njoftuar. Forca të shumta policie kanë mbërritur në zonë, ndërsa po ndërtohet një perimetër sigurie për të garantuar mbrojtjen e banorëve dhe kalimtarëve.
Sipas burimeve paraprake nga policia, dyshohet se në pallat ndodhet një bombë e komanduar me telekomandë. Autoritetet po kryejnë verifikimet në terren dhe kanë marrë masat përkatëse të sigurisë. Situata vijon të monitorohet nga forcat e policisë, ndërsa pritet që në vijim të ketë më shumë informacion zyrtar për rrethanat e ngjarjes. Policia ka vendosur perimetrin e sigurisë dhe ka njoftuar forcat xheniere për verifikimin e saj. Ky zhvillim vjen pas alarmit të djeshëm, ku mbi 100 institucione në mbarë vendin morën email-e kërcënuese për bombë.
