Kreu i Partisë Mundësi, Agron Shehaj, ka reaguar nga foltorja e Kuvendit për shoqërimin e aktivistit Arben Kola nga forcat e policisë gjatë protestës së sotme para Parlamentit. Shehaj akuzoi mazhorancën se po përdor policinë ndaj protestuesve, ndërsa sipas tij mbron me forcën e kartonëve ish-zëvendëskryeministren Belinda Balluku.
“Keni arrestuar sot Arben Kolën, 10 policë e morën zvarrë për t’ju mbrojtur ju sepse ai proteston. As këtë nuk e bëjnë dot më tani sepse rrezikojnë burgun. Ndërkohë që kryeministri refuzon të flasë”, deklaroi Shehaj në Kuvend.
