Kreu i Partisë Demokratike, Sali Berisha, ka deklaruar se sondazhet më të fundit të brendshme të vetë Partisë Socialiste tregojnë një rënie të fortë të mbështetjes për mazhorancën.
Gjatë një konference për media, Berisha u shpreh se, shifrat e brendshme e nxjerrin forcën në pushtet në nivelin e 29 përqindëshit, ndërsa kjo situatë ka ngjallur alarm te drejtuesit e shumicës.
Kreu i opozitës u shpreh se shifrat reale mund të jenë edhe më të ulëta nëse llogaritet faktori frikë te qytetarët e pyetur.
"Narkoshteti po shkërmoqet! Po degradon! Pollet e fundit të bëra nga PS kanë një rënie katastrofale.
Partia e krimit është rrokullisur në shifrat e saj në 29 përqind. Edhe këto, po të heqësh koeficientin e frikës, zbret edhe më poshtë. Ky nuk është një poll i bërë nga opozita, po ky është poll i brendshëm i vetë partisë së krimit. Edi Rama vetë qëndron nën partinë. Se atyre u thotë u tërheq unë.
Kjo ka ngjallur një alarm të jashtëzakonshëm.", u shpreh Berisha.
