Forcat e Mbrojtjes Civile vijojnë operacionin për përballimin e zjarrit në territorin e Bashkisë Finiq, ku situata po mbahet nën monitorim nga strukturat operacionale.
Në terren janë angazhuar forcat zjarrfikëse nga Delvina, Finiqi dhe Konispoli, së bashku me rreth 50 vullnetarë dhe 40 efektivë të Forcave të Armatosura, të cilët po punojnë për izolimin dhe shuarjen e vatrave të zjarrit.
Ndërhyrja po mbështetet edhe nga ajri, ku Forcat e Armatosura kanë angazhuar tre helikopterë, dy Cougar dhe një Black Hawk, të cilët po kryejnë operacione për të frenuar përhapjen e flakëve.
Të gjitha strukturat në terren vijojnë punën në koordinim të plotë me qëllim vendosjen e zjarrit nën kontroll dhe shmangien e përhapjes së mëtejshme.
